बागमती प्रदेशसभाको सभामुखमा राप्रपाका महामन्त्री पाठक निर्वाचित

बागमती प्रदेशसभाको सभामुखमा राप्रपाका महामन्त्री भुवन पाठक निर्वाचित भएका छन्। ६२ मत प्राप्त गर्दै पाठक निर्वाचित भएका हुन्। उनको विपक्षमा ३९ सांसदले मतदान गरे भने र तटस्थमा ७ सांसद रहेका छन्। १ जना सांसद भने अनुपस्थित भएका थिए ।

सभामुख पदका कांग्रेसका उम्मेद्वार शिवराज अधिकारीले जम्मा ३६ मत पाए। उनको विपक्षमा ६५ सांसदले मतदान गरे भने र तटस्थमा ७ सांसद रहेका छन् । १ जना सांसद भने अनुपस्थित भएका थिए ।

त्यस्तै, सभामुख पदकी उम्मेद्वार सृजना सायजुले जम्मा ३ मत पाइन् । उनको विपक्षमा ९८ सांसदले मतदान गरे भने तटस्थमा ७ सांसद रहेका थिए। १ जना सांसद भने अनुपस्थित रहेका थिए ।