धादिङको गजुरीमा ३ हजार लिटर अबैध घरेलु मदिरा प्रहरीद्धारा बरामद गरी नष्ट

धादिङ १० भाद्र
इलाका प्रहरी कार्यालय गजुरीको टोलिले मङ्गलबार बिहान ८ वटा घरेलु मदिरा भट्टी नष्ट गरेको छ । धादिङ जिल्लाको गजुरी गाउँ पालिका वडा नं. १ चालिसेमा स्थानीयबासीद्धारा सञ्चालित ८ वटा मदिरा भट्टीबाट बरामद गरिएको करिब ३ हजार लिटर मदिरा सोही स्थानमै नष्ट गरिएको हो । यस्तै तयारी अवस्थामा रहेका २ सय लिटर अबैघ घरेलु मदिरा र मदिरा बनाउन आवश्यक पर्ने कच्चा पदार्थ रहेको ३२ वटा ड्रम गजुरी गाँउपालिकाका प्रतिनिधी, स्थानिय पत्रकार र भद्रभलादमीको रोहवरमा ईलाका प्रहरी कार्यालय गजुरीले नष्ट गरेको जिल्ला प्रहरी कार्यालयका प्रवक्ता रुपक खड्काले जानकारी दिनुभयो ।