श्रीकृष्ण जन्माष्टमी र्पव सुनगाभा एकेडेमीले विविध कार्यक्रमका साथ मनायो

धादिङ ०६ भाद्र
कपिल जम्कट्टेल
नेपाली परम्परा र संस्कृतिको जर्गेना गर्ने उद्देश्यले सुनगाभा एकेडेमी धादिङले श्रीकृष्ण जन्माष्टमी पर्व विभिद कार्यक्रमका साथ मनाएको छ । शुक्रबारश्रीकृष्ण जन्माष्टमी पर्वका अवसरमा विद्यालयका सम्पूर्ण विद्यार्थीहरुलाई भगवान कृष्णको प्रसाद मख्खन वितरण गर्नुका साथै विद्यार्थीहरुबाटै कृष्ण र राधा बनाइ विभिन्न कृष्ण भजनहरु प्रस्तुत गरिएको हो ।

विद्यार्थीहरुलाई पनि चलिआएको धर्म, संस्कृतिको बारेमा जानकारी गराउनुपर्छ र उनीहरुलाई यसमा अभ्यस्त बनाउनु पर्छ भन्ने उद्देश्यका साथ हरेक पर्व तथा दिवसहरुमा विभिन्न कार्यक्रमहरुको आयोजना गर्ने गरेको विद्यालयका प्रधानाध्यापक वद्रि लम्सालले बताउनु भयो । यस्ता खाले कार्यक्रमहरुले विद्यार्थीहरुलाई सामाजिक नीति नियम, नैतिक शिक्षाको विकास हुने कुरा विद्यालयका निर्देशक रामहरि अधिकारीले बताउनु भयो ।