धादिङ बोर्डिङका विद्यार्थीहरुले प्रर्दशन गरे हस्तकला सिप (फोटो फिचर सहित)

धादिङ ०४ भाद्र
विद्यार्थीहरुको अन्तरनिहित प्रतिभाहरुको प्रस्फुटन गर्ने उद्देश्यका साथ विभिन्न अतिरिक्त कृयाकलापहरु सञ्चालन गर्दै आएको धादिङ बोर्डिङ स्कुलले मङ्गलबार ह्यान्डिक्राफ्ट प्रतियोगिताको आयोजना गरेको छ । कक्षा ३ देखि ९ सम्मका विद्यार्थीहरुले सहभागिता जनाएको उक्त कार्यक्रममा कक्षा ३–४, ५–७ र ८–९ गरी ३ वटा समूह बनाइ कार्यक्रम सञ्चालन गरिएको हो ।

अतिरिक्त कृयाकलाप संयोजक सैलेश अधिकारीले सहजीकरण गरेको कार्यक्रममा विद्यालयका प्रधानाध्यापक हरि लम्सालको सभापतित्व तथा गणेश हिमाल क्याम्पसका क्याम्पस प्रमुख ईश्वरी प्रसाद पाण्डेको विशेष आतिथ्यता रहेको थियो भने विद्यार्थी विद्यालयका शिक्षक र अभिभावकहरुको बाक्लो उपस्थिति रहेको थियो ।

प्रतियोगितामा कक्षा ३–४ बाट सन्दिप तामाङ प्रथम, ऋिद्धी प्रजापती द्धितीय, आयुष प्रजापती तृतीय र सिवानी श्रेष्ठ सान्त्वना भएका हुन् । यस्तै कक्षा ५–७ मा रिज्जु प्रजापती प्रथम, समिक्षा घले द्धितीय, जेसन गुरुङ तृतीय र प्रशान्त श्रेष्ठ सान्त्वना भएका थिए ।

यसै गरी कक्षा ८–९ बाट मौनता अधिकारी प्रथम, सुवास रिजाल द्धितीय, सोनु गुरुङ तृतीय र डेभिना गुरुङ सान्त्वना भएका हुन् । हरेक मङ्गलबार पौडी, नृत्य तथा विभिन्न रचनात्मक अतिरिक्त कृयाकलापको आयोजना गर्दै आएको शिक्षक अपिल कोइरालाले बताउनु भयो ।