धादिङ क्षेत्र नं १ मा १ बजेबाट मतगणना सुरु, क्षेत्र नं २ मा २ बजेबाट सुरु हुने

धादिङ ०४ मंसिर
प्रतिनिधि सभा, धादिङ निर्वाचन क्षेत्र नम्बर १ को मतगणना सुरु भएको छ । अपरान्ह १ बजेबाट सुरु भएको मतगणनाको सुरुवात गल्छी गाउँपालिका २ र ५ बाट सुरु भएको छ ।

धादिङ निर्वाचन क्षेत्र नम्बर १ मा एमालेबाट भूमिप्रसाद त्रिपाठी तथा गठबन्धनबाट एकीकृत समाजवादीका राजेन्द्रप्रसाद पाण्डे निर्वाचनमा होमिएका छन् । उक्त क्षेत्रमा राष्ट्रिय स्वतन्त्र पार्टीका हिमेश पन्त प्रतिष्पर्धामा छन् ।

त्यसैगरी धादिङको निर्वाचन क्षेत्र नम्बर २ मा अपरान्ह २ बजेबाट मतगणना सुरु हुने भएको छ । मुख्य निर्वाचन अधिकृतसमेत रहेका न्यायाधीश स्वीकृति पराजुलीका अनुसार सर्वदलीय बैठक सकिएको छ र अपरान्ह २ बजेबाट मतगणना सुरु गर्ने तयारी भएको छ ।