धादिङको मझिमटारमा लागु औषध ८ केजी गाँजा सहित ३ जना पक्राउ

धादिङ ०३ भाद्र
धादिङको बेनिघाट रोराङ गाउँ पालिका मझिमटारमा सोमबार राती प्रहरीले लागु औषध गाँजा सहित ३ जना मानिसलाई पक्राउ गरेको छ । राती १२ बजेको समयमा विशेष सुराकीको आधारमा प्रहरी चौकी जोगिमाराबाट खटिएको टोलीले काठमाडौँबाट पोखरातर्फ जादै गरेको ग १ ख ७७०२ नम्बरको बस चेकजाँच गर्ने क्रममा सो लागु औषध बरामद गरेको हो । बसमा सवार जिल्ला कास्की माछापुच्छ्रे न.पा. ८ बस्ने बर्ष १८ को सन्जोक सुनारले बसको सिट भन्दा माथी कपडाको झोलामा लुकाई छिपाई ल्याएको लागु औषध प्रहरीले नियन्त्रणमा लिएको हो । गाँजा सहित सुनारलाई नियन्त्रणमा लिई सोधपुछ गर्दा उक्त लागु औषध गाँजा मलेखुबाट पोखरा तर्फ जादै गरेको ग १३ प ५०४९ नम्बरको स्कुटरमा सवार ब्यक्तिहरुको रहेको भनि जानाकारी दिएका हुन् । उक्त जानकारीको आधारमा स्कुटी चालक जिल्ला स्याङ्जा चिनिबास बस्ने बर्ष १९ को नयन थापा मगर, स्कुटी पछाडी सवार जिल्ला कास्की लेखनाथ म.न.पा. ९ बस्ने बर्ष १९ को संगित बि.क. र स्कुटी समेत नियन्त्रणमा लिई जिल्ला प्रहरी कार्यालय धादिङको हिरासत राखी अनुसन्धान भईरहेको जिल्ला प्रहरी कार्यालय धादिङका प्रवक्ता रुपक खड्काले जानकारी दिनुभयो ।