स्मार्ट नीलकण्ठ युवा समाजका युवाहरु सामाजिक कार्यमा सक्रिय बन्दै

धादिङ ०२ भाद्र
विभिन्न सामाजिक गतिविधि सक्रिय हुँदै आएको स्मार्ट नीलकण्ठ युवा समाज नीलकण्ठ ३, जरेवर धादिङका सक्रिय युवाहरुले एक घर एक रुख अवधारण अनुरुप शनिबार वृक्षारोपण कार्यक्रमको आयोजना गरेका छन् । आफ्नो टोल स्वच्छ, सफा र हरियाली बनाउ भन्ने मूल मन्त्रलाई आत्मसात गर्दै गरिएको वृक्षारोपण कार्यक्रममा करिब ३०० वटा धुपी, अशोका, कपुर, आँप लगायत विभिन्न प्रजातिका फूलका बोटहरु रोपिएको हो ।

वृक्षरोपण कार्यक्रममा जरेबर टोलका सम्पूर्ण नागरिकहरुको सहभागिता रहेको थियो । आगामी दिनमा पनि रक्तदान, स्वास्थ्य शिविर, विभिन्न चाडपर्वहरुमा सांस्कृतिक कार्यक्रम जस्ता सामाजिक कार्यमा सक्रिय रहने स्मार्ट नीलकण्ठ युवा समाजका अध्यक्ष प्रवेश शास र सचिव सन्तोष भण्डारीले बताउनु भयो ।