श्रोत परिचालनको सप्ताहव्यापी कार्यक्रम अन्तर्गत रक्तदान कार्यक्रमा ११६ जनाले गरे रक्तदान

धादिङ १६ कात्तिक
श्रोत परिचालन बचत तथा ऋण सहकारी संस्था लिमिटेडको २६ औँ बर्षारम्भको अवसरमा सप्ताहव्यापी कार्यक्रम अन्तर्गत खुल्ला रक्तदान कार्यक्रम सम्पन्न भएको छ ।

बुधबार भएको रक्तदान कार्यक्रममा ३२ जना महिला र ८४ जना पुरुष गरी १ सय १६ जनाले रक्तदान गरेको नेपाल रेडक्रस सोसाईटी धादिङ शाखाका उपमन्त्री नारायण कुमार श्रेष्ठले जानकारी दिनुभयो ।

श्रोत परिचालन बचत तथा ऋण सहकारी संस्था लिमिटेड युवा तथा बालबालिका उप समितिको आयोजनामा भएको रक्तदान कार्यक्रममा नेपाल रेडक्रस सोसाईटी रक्त सञ्चार सेवा केन्द्र धादिङको प्राविधिक सहयोग रहेको थियो ।

संस्थाले सप्ताहव्यापी कार्यक्रम अन्तर्गत पहिलो दिन संस्थापक सदस्यहरुलाई सम्मान गरेको थियो भने दोश्रो दिन सदस्य हेरचाहको कार्यक्रम अन्तर्गत मृतक सदस्य नं. ४०८४ का स्व. कृष्ण बहादुर कार्की को श्रीमती नेत्र कुमारी कार्की लाई रु ३५,००० को चेक हस्तान्तरण गरेको थियो ।

यस्तै तेश्रो दिन नीलकण्ठ नगरपालिका वडा नं १२ स्थित पशुपतीमन्दिर परिसरमा सरसफाई कार्यक्रम गरेको थियो ।