शनिबार धादिङका २५ जनामा डेंगी संक्रमण पुष्टि, संक्रमितको संख्या १ हजार ८६० पुग्यो

धादिङ १२ कात्तिक
शनिबार धादिङका थप २५ जनामा डेंगी संक्रमण पुष्टि भएको छ । स्वास्थ्य कार्यालय धादिङको अनुसार पछिल्लो २४ घण्टामा १२ जना पुरुष र १३ जना महिला गरी २५ जनामा संक्रमण पुष्टि भएको हो ।

यो सँगै जिल्लामा डेंगी संक्रमितको संख्या १ हजार ८६० पुगेको छ । स्वास्थ्य कार्यालय धादिङको विवरण अनुसार जिल्लाका १ हजार ९ जना पुरुष र ८५१ महिला गरी कुल १ हजार ८६० जनामा संक्रमण पुष्टि भएको छ ।

जसमा सबैभन्दा धेरै संक्रमित नीलकण्ठ नगरपालिकामा १ हजार १७० रहेको छ भने गजुरीमा १०६ र धुनिबेशीमा ८७ जनामा डेंगी संक्रमण पुष्टि भएको छ ।

यस्तै गल्छीमा ८३, ज्वालामुखीमा ७४, त्रिपुरासुन्दरीमा ७२, सिद्धलेकमा ४४, बेनिघाट रोराङमा ३९, गंगाजमुनामा २७, थाक्रेमा १७, नेत्रावती डवजोङमा १२, रुवीभ्यालीमा १२, र खनियाबास गाउँपालिकामा ७ जनामा संक्रमण पुष्टि भएको छ ।