प्रेस सेन्टर धादिङद्धारा तिहार, नेपाल संवत र छठको शुभकामना आदान प्रदान कार्यक्रम सम्पन्न

धादिङ ०८ कार्तिक
प्रेस सेन्टर नेपाल धादिङको आयोजनामा शुभकामना आदान प्रदान तथा चियापान कार्यक्रम सम्पन्न भएको छ ।

नेपालीहरुको महान् पर्व तिहार, छठ पर्व तथा नेपाल संवत ११४३ को अवसरमा मंगलबार शुभकामना आदानप्रदान कार्यक्रमको आयोजना गरिएको हो ।

प्रेस सेन्टर नेपाल धादिङका अध्यक्ष राजन अधिकारीको अध्यक्षतामा सम्पन्न कार्यक्रममा नेकपा(माओवादी केन्द्र)को केन्द्रीय सदस्य अप्सरा सिंखडा(दिपा)को प्रमुख आतिथ्य रहेको थियो भने माओवादी केन्द्रका वैकल्पिक केन्द्रीय सदस्य रामबहादुर भण्डारी, बागमती प्रदेशका सहसचिव दलबहादुर बुर्लाकोटी, धादिङ जिल्ला संयोजक मनराज भण्डारी र नीलकण्ठ नगरपालिकाका उपप्रमुख दिपक विश्वकर्माको विशेष आतिथ्य रहेको थियो ।

कार्यक्रमलाई सम्बोधन गर्नुहुदै प्रमुख अतिथि सिंखडाले गठबन्धन देशको रक्षाको लागि बनेको भन्दै गठबन्धनलाई केन्द्रबिन्दुमा राखेर मतदान गर्न आम मतदातहरुमा आग्रह गर्नुभयो ।

यस्तै, वैकल्पिक केन्द्रीय सदस्य भण्डारीले गणतन्त्रको बिरुद्धमा र समाजवादी क्रान्तिको बाटो सफा गर्न गठबन्धनलाई जिताउनुपर्ने बताउनुभयो ।

कार्यक्रममा अधिकांश वक्ताहरुले चाडपर्वलाई खर्चिलो र भड्किलो रुपले नमनाउन आग्रह गर्दै तिहार, छठ र नेपाल संवतको शुभकामना आदानप्रदान गरेका थिए ।