धादिङमा राति ९ बजेसम्म देउसी भैलो खेल्न पाईने

धादिङ ०७ कात्तिक
धादिङमा राति ९ बजेपछि देउसी, भैलो खेल्न रोक लगाएको छ । जिल्ला सुरक्षा समितिको बैठकले राति ९ बजेसम्म मात्र देउसी भैलो खेल्न दिने निर्णय भएको भन्दै प्रहरीले राति ९ बजेपछि देउसै भैलो नखेल्न आग्रह गरेको छ ।

दिपावलीमा विभिन्न आतिसबाजी नगर्न पनि प्रहरीले अनुरोध गरेको छ । आफ्नो घर र टोलमा शंकास्पद व्यक्तिहरुको गतिविधी देखिएमा तुरुन्त प्रहरीलाई खबर गर्न,छतमा चढेर यात्रा नगर्न,सार्वजनिक स्थानमा धुम्रपान र मद्यमान नगर्न समेत प्रहरीले अनुरोध गरेको छ। रातभर देउसी भैलो खेल्दा सार्वजनिक शान्ति भङ्ग हुने खतरा हुनसक्ने भएकाले गम्भीर प्रकृतिका घटना हुनसक्ने भन्दै शान्तिसुरक्षा कायम गर्न देउसी, भैलोमा समय निर्धारण गरिएको जिल्ला प्रहरी कार्यालय धादिङले जनाएको छ ।

तिहारको समयमा दियो, मैनबत्ती, पाला बाल्ने एवं विद्युतीय उपकरण प्रयोग गरी दीपावली मनाउँदा आगजनी जस्ता विपत्जन्य घटना घट्नसक्ने भएकाले सो तर्फ समेत सचेत रहन प्रहरीले अनुरोध गरेको छ ।

जिल्लाभर पटाका लगायत प्रज्वलनशील पदार्थको ओसारपसार नगर्न तथा पड्काउन समेत प्रहरीले रोक लगाएको छ ।