श्रोत परिचालन बचत तथा ऋण सहकारी धादिङको सञ्चालक समितीको अध्यक्षमा रुद्र बहादुर खत्री

धादिङ ३१ असोज
श्रोत परिचालन बचत तथा ऋण सहकारी संस्था लिमिटेड धादिङको २५ औँ वार्षिक साधारण सभा तथा आठौँ सञ्चालक समिति चयन कार्यक्रम सम्पन्न भएको छ ।

असोज २४ गतेबाट सुरु भएको साधाराण सभाको आज सोमबार समापन भएको हो । कार्यक्रमलाई व्यवस्थित तवरले सञ्चालन गर्नकोलागी चार वटा ईकाई गठन गरि सभा संचालन गरिएको थियो ।

सभाले प्रत्येक ईकाइमा ईकाई प्रतिनिधि चयन गरेको छ जस अन्र्तगत ईकाई १ मा १२ जना, ईकाई २, ३ र ४ मा ६÷६ जना गरि जम्मा ३० जना प्रतिनिधि चयन गरिएको छ ।

त्यस्तै सभाले सहकारीको संञ्चालक समितीको अध्यक्षमा रुद्र बहादुर खत्रीलाई चयन गरेको छ । खत्रीको अध्यक्षतामा १३ जना सदस्य चयन गरेको हो ।

जसको उपाध्यक्षमा शिव हरि अधिकारी, महिला उपाध्यक्षमा सबिता थापा, महासचिव नवराज पाठक, कोषाध्यक्षमा नविन कुमार श्रेष्ठ, सचिवमा रामहरि कोईराला, सहकोषाध्यक्षमा तपकान्त दुवाडी चयन हुनुभएको छ भने सदस्यहरुमा उर्मीला तिमल्सिना, किशोर कुमार श्रेष्ठ, तिल प्रसाद ढुङ्गाना, यमवहादुर अधिकारी, नविन दुवाडी, थम्कराज बसौला रहनुभएको छ ।

त्यस्तै लेखा सुपरिवेक्षण समितीको संयोजकमा दुर्गा अधिकारी चयन हुनुभएको छ भने सदस्यहरुमा अर्जुन हधिकारी र गीता बहादुर थापा रहनुभएको छ ।

सहकारीका अध्यक्ष प्रदिप अधिकारीको अध्यक्षतामा सम्पन्न कार्यक्रममा जिल्ला समन्वय समिती धादिङका समन्वय प्रमुख नवराज अधिकारीको प्रमुख आतिथ्य रहेको थियो भने कार्यक्रममा ईकाई प्रतिनिधिहरु, विभिन्न संघ संस्थाका प्रतिनिधिहरुको सहभागिता रहेको थियो ।