राष्ट्रिय एकता जनजागरण पार्टीका केन्द्रीय कोषाध्यक्ष सहित १० जना माओवादी केन्द्रमा प्रवेश

धादिङ ३१ असोज
राष्ट्रिय एकता तथा जागरण पार्टि नेपालको केन्द्रीय कोषाध्यक्ष चेरोङ तामाङको नेतृत्वमा १० जना माओवादी केन्द्रमा प्रवेश गरेका छन् । आइतबार धादिङवेसीमा भएको पार्टी प्रवेश कार्यक्रममा तामाङको नेतृत्वमा १० जना केन्द्रीय र जिल्ला स्तरका नेताहरु प्रवेश गरेका हुन् ।

प्रवेश गर्नेमा पार्टीकाका केन्द्रीय कोषाध्यक्ष चेरोङ तामाङ सहित जिल्ला अध्यक्ष राजन थापा मगर, विद्यार्थी संगठनको जिल्ला संयोजक रोशनी तामाङ, महिला संगठन जिल्ला संयोजक डोल्मा तामाङ, विद्यार्थी संगठन जिल्ला सचिव अञ्जली तामाङ, पार्टी जिल्ला कमिटी सदस्य खर्पा तामाङ, दिपक तामाङ, शेर बहादुर तामाङ नीलकण्ठ नगर संयोजक गोपि वि.क. र महिला संगठन जिल्ला कमिटी सदस्य फूलमाया तामाङ रहेका छन् ।

माओवादी केन्द्रका केन्द्रीय सदस्य एवं जिल्ला इन्चार्ज सालिकराम जम्कट्टेलले नवप्रवेशीहरुलाई माओवादी केन्द्रमा स्वागत गर्नुभएको थियो । कार्यक्रममा माओवादी केन्द्रका केन्द्रीय सदस्य राम बहादुर भण्डारी, जिल्ला संयोजक मनराज भण्डारी लगायतको उपस्थिति रहेको थियो ।