लामिछाने बन्धु समाज भिमसेनथापा गोरखा स्तरीय भेला सम्पन्न

गोरखा २९ असोज
कृष्ण बहादुर लामिछाने
लामिछाने बन्धु समाज जिल्ला कार्यसमिति गोरखाको आयोजनामा भिमसेनथापा गाउँपालिका स्तरीय लामिछाने बन्धु समाजको भेला सिद्धकाली मन्दिर परिसर तान्द्राङकोटमा शनिबार सम्पन्न भएको छ ।

भेलाले गिरिराज लामिछाने अध्यक्ष रहने गरी ९ सदस्यीय गाउँपालिका स्तरीय लामिछाने बन्धु समाजको कार्यसमिति गठन गरिएको छ । नवगठित समितिको उपाध्यक्षमा तेज प्रसाद लामिछाने, कोषाध्यक्षमा नारायण बहादुर लामिछाने, सचिवमा पविता लामिछाने र सह–सचिवमा टेकराज लामिछाने रहनुभएको छ ।

त्यस्तै सदस्यहरुमा गीता लामिछाने, सीताराम लामिछाने, भोजराज लामिछाने र टीका कुमारी लामिछाने रहनुभएको छ । लामिछाने बन्धु समाज जिल्ला कार्यसमिति गोरखाका अध्यक्ष यदु प्रसाद लामिछानेको अध्यक्षता रहेको कार्यक्रममा केन्द्रीय महासचिव खडानन्द लामिछानेको प्रमुख आतिथ्य रहेको थियो ।

केन्द्रीय सदस्य माया लामिछाने, सूर्य प्रसाद लामिछाने, बालकृष्ण लामिछाने लगायतको विशेष आतिथ्य रहको कार्यक्रममा भिमसेनथापा गाउँपालिकाका विभिन्न वडाका लामिछाने बन्धुहरुको प्रतिनिधित्व रहेको थियो ।

कार्यक्रमको सहजीकरण लामिछाने बन्धु समाज जिल्ला कार्यसमिति सचिव रामचन्द्र लामिछानेले गर्नुभएको थियो ।