६७ औँ प्रहरी दिवसको अवसरमा ५२ जनाले गरे रक्तदान

धादिङ २८ असोज
६७ औँ प्रहरी दिवसको अवसरमा आयोजित बृहत खुल्ला रक्तदान कार्यक्रममा ५२ जनाले रक्तदान गरेका छन् ।

शुक्रबार जिल्ला प्रहरी कार्यालय धादिङको आयोजनामा भएको रक्तदान कार्यक्रममा ४ जना महिला र ४८ जना पुरुष गरि ५२ जनाले रक्तदान गरेका हुन् ।

रक्तदान कार्यक्रममा नेपाल रेडक्रस सोसाइटी रक्तसञ्चार सेवा केन्द्र धादिङको प्राविधिक सहयोग रहेको थियो ।