खनियाबासमा भएको भलिबल खेलमा अहिंसाबादी युवा क्लब प्रथम

धादिङ २७ असोज

मोतिगुफा युवा क्लब तथा अहिंसावादी युवा क्लबको आयोजनामा भलिबल खेल साथै बृहत सांस्कृतिक कार्यक्रम सम्पन्न भएको छ ।

उक्त खेलमा अहिंसाबादी युवा क्लब प्रथम भएको छ भने सिगङ एकता समाज दोस्रो र अहिङ्साबादी युवा क्लबकै समूह बी तेस्रो भएको छ । खेलमा प्रथम, दोस्रो र तेस्रो हुनेहरुलाई क्रमस रु ६० हजार, ३० हजार, १० हजार र ५ हजार पुरस्कार वितरण गरिएको छ ।
साथै खेलमा उत्कृष्ठ भएका खेलाडिहरुलाई पनि सम्मान गरिएको थियो ।

कार्यक्रममा खनियाबास गाउपालिका प्रमुख रण बहादुर तामाङको प्रमुख हातिथ्यता रहेको थियो भने खनियाबास गाउँपालिका समाजसेवी युवा नेता फुल बहादुर मनाङ्थेनको विशेष आतिथ्यता रहेको थियो ।

कार्यक्रममा खनियाबास गाउपालिकाका ५ वटानै वडाका वडा अध्यक्षहरुको उपस्थिती रहेको थियो भने कलाकारहरु म्हेन्दोमाया गायक युबि मोङ्ग्रेशा, म्हेन्दो माया गायक बिकल लामा र गायिका सबिना तामाङको बेजोड प्रस्तुती रहेको थियो ।