श्रोत परिचालन बचत तथा ऋण सहकारी संस्था धादिङको २५ औँ वार्षिक साधारण सभा सुरु

धादिङ २४ असोज
श्रोत परिचालन बचत तथा ऋण सहकारी संस्था लिमिटेड धादिङको २५ औँ वार्षिक साधारण सभा तथा आठौँ सञ्चालक समिति चयनको कार्यक्रम आजबाट धादिङमा सुरु भएको छ ।

कार्यक्रममा सहकारीका कोषाध्यक्ष रुद्र बहादुर खत्रीद्धारा प्रस्तुत आर्थिक प्रतिवेदन सर्वसहमत पारित गरिएको छ भने सहकारीका सचिव कविता थापा (अधिकारी)ले आ.व. २०७८/०७९ को प्रगति प्रतिवेदन तथा २०७९/०८० को प्रस्तावित कार्यक्रम प्रस्तुत गर्नुभएको थियो ।

कार्यक्रमको अवसरमा संस्थाले नीलकण्ठ नगरपालिका वडा न. ३ का ६१ जना असल ऋणीहरुलाई सम्मान गरेको छ । कार्यक्रमलाई ब्यवस्थित तवरले संचालन गर्नको लागी चार वटा ईकाई गठन गरि संचालन गरिएको साधारण सभामा आज पहिलो ईकाई अन्तर्गतको साधारण सभा सम्पन्न भएको हो ।

आज (सोमबार) देखि सुरु भएको साधारण सभा असोज ३१ गते आईतबार सम्म चल्नेछ । सहकारीमा अहिले १ हजार ९ सय ६१ जना बालबचतकर्ताहरु सहित ५ हजार ८ सय ३४ जना शेयर सदस्य रहेका छन् ।

सहकारीका अध्यक्ष प्रदिप अधिकारीको अध्यक्षतामा सम्पन्न कार्यक्रममा नीलकण्ठ नगरपालिका ३ का वडा अध्यक्ष राजकुमार श्रेष्ठको प्रमुख आतिथ्य रहेको थियो भने कार्यक्रममा विभिन्न संघ संस्थाका प्रतिनिधिहरुको सहभागिता रहेको थियो ।