पौडी खेल्ने क्रममा नारायणी नदीमा डुब्दा धादिङका अभिषेक अधिकारी बेपत्ता

धादिङ ११ असोज

धादिङ महादेवबेसी स्थायी घर भएका १६ वर्षीय अभिषेक अधिकारी पौडी खेल्ने क्रममा मंगलबार नारायणी नदीमा डुबेर बेपत्ता भएका छन् ।

चितवन जिल्ला प्रहरी कार्यालयका प्रवक्ता डीएसपी विजयराज पण्डितका अनुसार भरतपुर महानगरपालिका(१ देवघाट नारायणी नदीमा पौडी खेल्दै गर्दा मंगलबार साढे १२ बजेतिर अधिकरी डुबेका थिए।

अधिकारी आफ्नी आमा पार्वती अधिकरीसँग देवघाटमै डेरा गरी बसेको प्रहरीले जनाएको छ । घटनाका बारेमा दिउँसो सवा १ बजे जानकारी प्राप्त भएपछि प्रहरीले उनको खोजी गरिरहेको डीएसपी पण्डितले बताएका छन् ।