त्रिशुलीमा बस खस्दा ४ जनाको मृत्यु, २० वेपत्ता (थप विवरण आउन बाकी)

धादिङ २४ श्रावण
धादिङको सलाङघाटबाट त्रिशूली नदीमा बस खस्दा ४ जनाको ज्यान गएको छ भने २० जना बेपत्ता भएका छन् । बेनिघाट रोराङ गाउँ पालिका वडा नम्बर ३ सलाङघाटबाट शुक्रबार बिहान करिब ३ः३० बजेतिर बस त्रिशूली नदीमा खसेको हो । हालसम्म १४ जना घाइतेको उद्धार गरिएको प्रहरीले बताएको छ । ३८ जना यात्रु बोकेर सर्लाहीको मलंगवाबाट काठमाडौ आउँदै गरेको ना ६ ख ७४६९ नम्बरको बसमा ४० भन्दा बढी यात्रुहरु सवार रहेको अनुमान गरिएको छ । हाल नेपाली सेना, सशस्त्र प्रहरी, नेपाल प्रहरी, रेडक्रसकर्मी र स्थानीयहरुले उद्दार कार्य गरिराखिरहेका छन् भने घाईते १४ जनालाई उपचारको लागि पठाइएको छ । अन्य हराई रहेकाहरुको खोजी कार्यलाई थप प्रभावकारी बनाउन सशस्त्र प्रहरी बल विपद व्यवस्थापन गण कुरीनटारका गोताखोरको टोली घटनास्थलमा परिचालन गरिएको छ ।