ट्रकको ठक्करबाट नौबिसेमा एक भारतीय नागरिकको मृत्यु

धादिङ २३ श्रावण
धादिङको नौबिसेमा बुधबार बेलुका ट्रकको ठक्करबाट एक जना पैदल यात्रीको ज्यान गएको छ । धुनिबेशी नगरपालिका वडा नं. ६ नौबिसे स्थित भेरी होटल नजिकै पृथ्वी लोकमार्गमा काठमाणडौबाट चितवन तर्फ आउँदै गरेको लु १ ख ४९६६ नम्बरको ट्रकले पैदल यात्री भारतिय नागरिक पश्चिम चम्पारन बस्ने अन्दाजी बर्ष ४० का सत्य नारायण दासलाई ठक्कर दिंदा अस्पतालमा उपचारको क्रममा निधन भएको हो । टाउको र खुट्टामा चोट लागी घाईते दासलाई स्थानीइ शिबदर्शन अस्पताल धार्के धादिङमा सामान्य उपचार पश्चात थप उपचारको लागी नेशनल अस्पताल कलंकी काठमाण्डौ लगिएको उपचारकै क्रममा बिहीबार बिहान मृत्यु भएको हो । ठक्कर दिने ट्रक र चालक नवलपरासी सुनौली न.पा.९ बस्ने वर्ष ३५ का यम बहादुर पाइजा मगर इलाका प्रहरी कार्यालय खानीखोला धादिङको नियन्त्रणमा रहेको जिल्ला प्रहरी कार्यालयका प्रवक्ता भोलामान सिंह अधिकारीले जानकारी दिनुभयो ।