मझिमटार धादिङमा २४ तोला अबैध सुन सहित २ जना प्रक्राउ

धादिङ २१ श्रावण
वेनिघाट गाउँ पालिका ९ मझिमटार धादिङमा सोमबार साझँ प्रहरीले २४ तोला सुन जस्तो देखिने धातु बरामद गरेको छ । पृथ्वी लोकमार्गमा सुरक्षार्थ खटिएको प्रहरी टोलीले काठमाडौँबाट चितवनतर्फ जादैँ गरेको ना ५८ प ६५५३ नम्बरको मोटरसाइकल चेकजाँच गर्ने क्रममा सो धातु बरामद गरेको हो ।

मोटर साइकलमा सवार भरतपुर महानगर पालिका वडा नं. २ क्षेत्रपुर स्थायी घर भएका ३५ वर्षीय सन्तोष बस्नेत मध्यविन्दु नगरपालिका वडा नं. ६ बस्ने गोकुलमान श्रेष्ठलाई थप अनुसन्धान एवं कारबाहीका लागि राजश्व अनुसन्धान विभाग हरिहर भवन ललितपुर पठाएको र मोटरसाइकल प्रहरीको नियन्त्रणमा रहेको जिल्ला प्रहरी कार्यालय धादिङका प्रवक्ता भोलामान सिंह अधिकारीले बताउनु भयो ।