शिवज्योति महिला बचत तथा ऋण सहकारीको १६ औँ बार्षिक साधारण सभाको अवसरमा ३३ जनाले गरे रक्तदान

धादिङ ०१ असोज
शिवज्योति महिला बचत तथा ऋण सहकारी संस्था लिमिटेडको १६ औँ बार्षिक साधारण सभाको अवसरमा ३३ जनाले रक्तदान गरेका छन् ।

शनिबार सहकारीद्धारा धादिङबेशीमा आयोजित रक्तदान कार्यक्रममा ७ जना पुरुष र २६ जना महिला गरी ३३ जनाले रक्तदान गरेको धादिङ रेडक्रसका उपमन्त्री नारायण कुमार श्रेष्ठले जानकारी दिनुभयो ।

रक्तदान कार्यक्रममा नेपाल रेडक्रस सोसाईटी रक्तसञ्चार सेवा केन्द्रको प्राबिधिक सहयोग रहेको थियो ।