हाँस्य टेली श्रृङ्खला तातो माथि पिरोको गौरवमय २५ औँ भाग पुरा

धादिङ १९ श्रावण

धादिङका स्थानीय कलाप्रेमीहरुको सक्रियतामा सञ्चालित हाँस्य टेली श्रृङ्खला तातो माथि पिरोको २५ औँ भाग सफलतापूर्वक सम्पन्न गरेको अवसरमा आज शुभकामना आदान प्रदान कार्यक्रम आयोजना गरिएको छ । दिव्य दर्शन टेलिभिज र स्काइ टि.भि नेपाल युव ट्युव च्यानलबाट एकैसाथ प्रशारण हुने तातो माथि पिरो सञ्चारकर्मी तथा कलाकार धर्मेन्द्र श्रेष्ठले लेखन निर्दैशन गर्नु भएको हो । सिरियलका निर्माता ईश्वर धरेलको सभापतित्वमा सम्पन्न कार्यक्रममा नीलकण्ठ नगरपालिका धादिङका उप मेयर मनराज भण्डारीको प्रमुख आतिथ्यता रहेको थियो । यस्तै रेडियो बिहानीका स्टेशन म्यानेजर सञ्जय देवकोटा, दिव्य दर्शन टेलिभिजनका सञ्चालक उत्तम अधिकारी, नीलकण्ठ नगरपालिका न्यायिक समिति सदस्य प्रकाश श्रेष्ठ, सर्जक लालकाजि श्रेष्ठ लगायतको आतिथ्यता रहेको थियो । हाँस्य टेली श्रृङ्खला तातो माथि पिरोको निर्माता ईश्वर धरेल, व्यवस्थापक रवि भट्टराई, सह निर्देशक मनिष श्रेष्ठ तथा कलाकारहरुमा गीता अधिकारी, विनोद तमु, किशोर अधिकारी, राजु श्रेष्ठ, सुमन श्रेष्ठ लगायत रहेका छन् ।