५८ औँ राष्ट्रिय बाल दिवसको अवसरमा न्यू धादिङ बोर्डिङद्धारा विविध कार्यक्रमको आयोजना

धदिङ २९ भाद्र
न्यू धादिङ बोर्डिङ स्कूल, धादिङले ५८ औँ राष्ट्रिय बाल दिवस विविध कार्यक्रमका साथ मनाएको छ । विद्यालयमा अन्तर विद्यालय स्तरीय हिज्जे प्रतियोगिता, चित्रकला प्रदर्शनी एवं नृत्य प्रतियोगिता सम्पन्न गरिएको प्रधानाध्यापक अभिषेक बसौलाले जानकारी दिनुभयो ।

सदन वाइज भएको अन्तर विद्यालय हिज्जे प्रतियोगितामा धादिङ बोर्डिङ प्रथम र न्यू धादिङ बोर्डिङका विद्यार्थीहरु द्धितीय र तृतीय भएका थिए ।

यस्तै विद्यालयमै धादिङका युवा चित्रकार जगत तामाङले निर्माण गर्नुभएको चित्रहरुको प्रदर्शनीका साथै सदन वाइज नृत्य प्रदर्शनी पनि गरिएको प्रधानाध्यापक बसौलाले बताउनुभयो ।