धादिङको नीलकण्ठ–१४, का अध्यक्ष दुवाडीले गरे सय दिनको उपलब्धी सार्वजनिक

धादिङ २७ भाद्र
धादिङको निलकण्ठ वडा नं १४ का वडा अध्यक्ष नमराज दुवाडीले आफू निर्वाचित भएको सय दिनको उपलब्धी सार्वजनिक गरेका छन् । आइतबार वडा समितिको बैठकमा अध्यक्ष दुवाडीले जेष्ठ, आषाढ, श्रावण र भाद्रको छुट्टा छुट्टै कार्य प्रगति सार्वजनिक गरेका हुन् ।

अध्यक्ष दुवाडीले चालु आर्थिक वर्षको बजेट विनियोजन गर्दा जनसमुदाय, सरोकारवाला र स्थानीय राजनैतिक दलका प्रतीनिधिसँग परामर्श गरी बजेट विनियोजन गरिएको बताउदै जेष्ठ नागरिकहरुको घरदैलो गरी स्वास्थ्य परीक्षण गरिएको, स्वास्थ्य चौकीको भवन निर्माणका लागी १ रोपनी जग्गा खरिद गरिएको, वडामा टोल फ्री नम्बरको व्यवस्था गरी सेवालाई छिटो छरितो बनाउने प्रयास गरिएको,सुझाव पेटिका र सूचनापाटीलाई व्यवस्थित गरिएको, वडाको प्रशासनिक कार्य, घटना दर्ता, मालपोत जस्ता राजस्वहरुलाई अनलाइन प्रबिधिबाट गरिने व्यवस्था गरिएको, वडाभित्र पर्न आएको विपदमा जनप्रतिनिधिहरुको उपस्थितिमा अनुगमन र राहत उपलब्ध गराईएको लगायतका उपलब्धीहरु सार्वजनिक गरिएका छन् ।

त्यस्तै, प्राविधिक शिक्षा अध्ययन गर्ने २ जना विद्यार्थीलाई छात्रावृत्ति दिने व्यवस्था पनि वडाले गरेको छ । दुवाडी नेकपा(माओवादी केन्द्र)बाट वडा अध्यक्षमा निर्वाचित भएका थिए ।