नारी विकास बचत तथा ऋण सहकारी संस्था लि को १६ औँ बार्षिक साधारण सभा सम्पन्न

धादिङ २५ भाद्र
नारी विकास बचत तथा ऋण सहकारी संस्थाको १६ औँ वार्षिक साधारण सभा एवं विजया दशमी तथा शुभ दिपावलीको शुभकामना आदान प्रदान कार्यक्रम सम्पन्न भएको छ ।

कार्यक्रममा संस्थाको सचिव प्रमिला घिमिरेले बार्षिक प्रगति प्रतिवेदन पेश गर्नुभएको थियो । कार्यक्रमको अवसरमा २०७९ सालको एसइइ परीक्षामा उत्तीर्ण बाल बचत कर्ता, संस्थाको पुरानो तथा असल सदस्यहरुलाई सम्मान गरिएको थियो ।

त्यस्तै, स्थानीय तह निर्वाचनमा निर्वाचित स्थानीय तहका प्रमुख, उपप्रमुख र वडा अध्यक्षहरुलाई सम्मान गरिएको थियो भने जिल्ला स्थित कर्मचारी, सुरक्षा निकायका प्रमुख तथा प्रवक्ताहरु र सरोकारवाला प्रमुखलाई उपहार वितरण गरिएको थियो ।

नारी विकास बचत तथा ऋण सहकारी संस्थाको अध्यक्ष भगवती उप्रेतीको अध्यक्षतामा सम्पन्न कार्यक्रममा प्रमुख जिल्ला अधिकारी कृष्ण प्रसाद लम्सालको प्रमुख आतिथ्य रहेको थियो भने विशेष अतिथिहरुमा नीलकण्ठ नगरपालिकाका उपप्रमुख दिपक विश्वकर्मा, प्रहरी प्रमुख राकेश सिंह, सिद्धलेक गाउँपालिका उपाध्यक्ष सबिता अर्याल लगायत विभिन्न राजनैतिक दलका प्रतिनिधिहरुको उपस्थिति रहेको थियो ।