रोटरी क्लबको आयोजनामा धादिङ कारागारका ११७ जना कैदी बन्दीद्धारा रक्तदान

धादिङ १८ श्रावण
रोटरी क्लब अफ धादिङले जिल्ला कारागार धादिङको प्राङगणमा बृहत रक्तदान कार्यक्रमको आयोजना गरेको छ । नेपाल रेडक्रस सोसाइटी जिल्ला शाखा धादिङ रक्त सञ्चार केन्द्र धादिङको प्राविधिक सहयोग तथा धादिङ सोसिएल भोलन्टिएरको सह आयोजनामा सञ्चालित रक्तदान कार्यक्रममा १ सय १७ जना कैदी बन्दीहरुले रक्तदान गरेका थिए ।

कार्यक्रमकै अवसरमा रोटरी क्लब अफ धादिङले १ हजार लिटरको खानेपानी हिलटेङ्क समेत प्रदान गरेको थियो । कार्यक्रममा रोटरी क्लब अफ धादिङका अध्यक्ष अशोक कुमार बस्नेत, हरि लम्साल, भिम श्रेष्ठ, धादिङ सोसिएल भोलन्टिएरका प्रतिनिधिहरु नारायण कुमार श्रेष्ठ, भेषराज ठकुरी लगायतको उपस्थिति रहेको थियो ।