लायन्स क्लब अफ काठमाडौँ धादिङद्धारा धादिङबेसीस्थित पशुपति मन्दिर परिसरमा सहायता कक्ष सञ्चालन

धादिङ १४ भाद्र
हिन्दू महिलाहरुको महान् चाड हरितालिका तीजको अवसर पारी धादिङबेसी स्थित पशुपति मन्दिरमा लायन्स क्लव अफ काठमाडौ धादिङले नागरिक सहायता कक्ष सञ्चालन गरेको छ ।

ब्रतालु भक्तजनहरुलाई सहयोग गर्ने हेतुले शुद्ध पिउने पानी, ग्लुकोज पानी र जीवनजल वितरण गरिएको क्लबका चाटर्ड प्रेसिडेन्ट सुवास बसेलले जानकारी दिनुभयो । बिहान ९ बजेदेखि साँझ ६ बजेसम्म नागरिक सहायता कक्ष संचालन गरी सहयोग गरिएको थियो भने मन्दिर परिसरमा सरसफाई समेत गरिएको थियो ।

नेपाली संस्कृति संरक्षण सहित समाज परिवर्तन गर्न सकारात्मक सामाजिक सद्भाब निरन्तरता कार्यक्रम सम्पन्न बताउदै बसेलले आगामी दिनहरूमा पनि क्लबले शिक्षा, स्वास्थ, कुपोषण र लगायतका स्वास्थ्य र शिक्षाको क्षेत्रमा काम गर्ने बताउनु भयो ।