सुनगाभा एकेडेमीका विद्यार्थीहरुबीच मेहेन्दी भर्ने प्रतियोगिता

धादिङ १७ श्रावण
अतिरिक्त क्रियाकलापमा रचनात्मक ढङ्गले अगाडि बढ्दै गरेको संस्थागततर्फको धादिङकै पहिलो विद्यालय सुनगाभा एकेडेमीमा शुक्रबार मेहेन्दी भर्ने प्रतियोगिता सम्पन्न भएको छ । श्रावण लागेसँगै नेपाली महिलाहरुले अत्यन्तै रुचाउने मेहेन्दी विद्यालयका विद्यार्थीहरुमा पनि मनोरञ्जनको लागि प्रतियोगिताको रुपमा आयोजना गरिएको विद्यालयका प्रधानाध्यापक वद्रि लम्सालले बताउनु भयो । प्रतियोगितामा प्राथमिक तह अन्तरगत कक्षा ४ की आकृती गुरुङ प्रथम, कक्षा ३ की सुमिना तामाङ द्धितीय, कक्षा ५ की जेनिफा रसाइली तृतीय भएका छन् । यस्तै माध्यमिक तर्फ आयुष राना मगर प्रथम, सफलता सिलवाल द्धितीय, प्रिज्मा तामाङ तृतीय भएका छन् । विजयी विद्यार्थीहरुलाई मेडल र शैक्षिक सामग्रीद्धारा पुरस्कृत गरिएको थियो ।