यस वर्षको साउन महिनामा पेट्रोलको खपत ७ प्रतिशतले घट्यो ।।

यस वर्षको साउन महिनामा पेट्रोलको खपत ७ प्रतिशतले घट्यो ।।
धादिङ
गत वर्षको तुलनामा यस वर्ष साउन महिनामा पेट्रोलको खपत ७ प्रतिशतले घटेको छ । गत वर्ष २०७८ साउन महिनामा कुल ५५ हजार ८ सय ४ किलोलिटर पेट्रोल खपत भएकामा यस वर्ष ५१ हजार ६ सय ३० किलोलिटर पेट्रोलको खपत भएको नेपाल आयल निगमले जनाएको छ । डिजलको पनि खपत अघिल्लो वर्षको तुलनामा २८ प्रतिशतले घटेको छ ।

२०७८ को साउनमा १ लाख ५ हजार ४३२ किलोलिटर डिजल खपत भएकामा यो साउन महिनामा कुल ७६ हजार ४० किलोलिटर डिजल खपत भएको हो । मट्टितेलको खपत समेत साउन महिनामा ६५ प्रतिशतले घटेको छ भने खाना पकाउने ग्यासको खपत गत साउन र यो साउनमा बराबर जस्तै छ । नेपालभन्दा भारतमा मूल्य सस्तो भएपछि नेपाली नम्बरप्लेटका सवारी साधनले सीमापारि इन्धन भर्ने गरेका कारण र साउन महिनामा सडक तथा पूर्वाधार निर्माणको काम न्यून हुँदा खपत घटेको निगमका प्रवक्ता विनितमणी उपाध्यायले जानकारी दिनुभयो ।

अनलाईन खबर