खानेतेल बोकेको ट्रक जरेखेतबाट त्रिशुलीमा खस्यो ।

धादिङ( पृथ्वीराजमार्ग अन्तर्गत धादिङको गजुरी गाउँपालिका(६, जरेखेतमा दुर्घटनामा परेको छ । ना ५ ख ५९५५ ट्रक आइतबार बिहान सडकबाट करिब दुई सय मिटर तल त्रिशुली नदी किनारमा पुगेको हो ।

बिराटनगरबाट खानेतेल बोकेर काठमाडौं आउदै गरेको ट्रक अचनक आगलागी भइ सडकबाट त्रिशुली नदी किनारमा खसेको इलाका प्रहरी कार्यालय गजुरीका डिएसपी भावेश रिमालले बताए । ट्रकको अगाडि पट्टि भागमा आगो लागेको छ ।

इलाका प्रहरी कार्यालय गजुरीका डिएसपीसहितको जनपथ प्रहरीको टोली र आदमघाटस्थित शशस्त्र प्रहरीले ट्रकमा लागेको आगो नियन्त्रणमा लिएको थियो । प्रहरी र स्थानीयले समयमै उद्दार गर्न सकिएकोले दुर्घटनास्थलमा मानवीय क्षति हुनबाट जोगिएको डिएसपी रिमालले बताए । तेल बोकेको ट्रकमा आगो सल्किए पनि समयमै आगो नियन्त्रणमा लिन सकिएकोले थप क्षति हुनबाट जोगिएको पनि डिएसपी रिमालले बताए ।