धादिङ बोर्डिङ स्कूलमा अभिभावक, शिक्षक तथा विद्यार्थीहरुलाई अभिप्रेरणामूलक तालिम सुरु

धादिङ १० भाद्र
धादिङ बोर्डिङ स्कूल, धादिङबेसीमा शुक्रबार विद्यालयका अभिभावक, विद्यार्थी तथा शिक्षकहरुका लागि ३ दिवषीय अभिप्रेरणामूलक तालिम सुरु भएको छ । नेपालकै चर्चित मोटिभेटर डा. तारा प्रसाद गिरी(ताराजी)ले विद्यालयका शिक्षक, विद्यार्थी र अभिभावकहरुलाई अभिप्रेरणामूलक तालिम दिनुभएको विद्यालयका प्रधानाध्यापक ईश्वरी पाण्डेले जानकारी दिनुभयो ।

तालिममा मोटिभेटर डा. ताराजी ले बालबालिकाप्रति शिक्षक र अभिभावकहरुको भूमिका एवं बालबालिका आफैले निभाउनु पर्ने दायित्वका बारेमा प्रशिक्षण दिनुभएको थियो ।

विद्यालय सञ्चालक समिति सदस्य भुपेन्द्र कुमार श्रेष्ठको सभापत्विमा आयोजित कार्यक्रममा शिक्षा विकास तथा समन्वय इकाई धादिङका शाखा अधिकृत ईश्वर कुमार श्रेष्ठको प्रमुख आतिथ्य एवं मोटिभेटर डा. ताराजीको विशेष आतिथ्य रहेको थियो भने विद्यालय सञ्चालक समिति सदस्यहरु हरि लम्साल सुरेन्द्र प्रसाद शाह, रेडियो बिहानीका स्टेशन म्यानेजर सञ्जय देवकोटा लगायतको आतिथ्य रहेको थियो ।

कार्यक्रममा स्वागत मन्तव्य विद्यालयका प्रधानाध्यापक ईश्वरी पाण्डेले राख्नुभएको थियो । तालिम १२ गतेसम्म सञ्चालन हुनेछ ।