धादिङका ३ जनाले दिए मिटर व्याजी विरुद्ध उजुरी

धादिङ ०९ भाद्र
मिटर व्याजीबाट पीडित धादिङका ३ जनाले उजुरी दिएका छन् ।

गजुरी गाउँपालिका २ धादिङका दिवाकर बिष्टले ८ लाख रकम ऋण लिएको तर लिएको ऋण तिरिसक्दा पनि तिर्न बाँकी भनेर मागिरहेको भनि उजुरी दिएका छन् । गजुरी गाउँपालिका १ धादिङकी चन्द्रमाया लम्सालले जग्गा धितो राखेर दुई लाख रकम ऋण लिएको तर सावाँ व्याज दिन्छु जग्गा फिर्ता देउ भन्दा नमानेको भनि निवेदन दिएकी छिन् ।

उनीहरूले २०७९ भदौ ५ गते जिल्ला प्रशासन कार्यालय धादिङमा उजुरी दिएका हुन् ।

त्यस्तै, निलकण्ठ नगरपालिका ४ धादिङकी मानकुमारी सार्कीले श्रीमान बिरामी भएको र घर बनाउदै गर्दा साहुँसङ्ग ऋण लिएको तर अहिले साहुले धम्कि दिएको भनि ५ जनाको नाममा यहि भदौ ८ गते जिल्ला प्रशासन कार्यालय धादिङमा उजुरी दिएकी छन् ।