सुनगाभा एकेडेमीमा बधाई तथा सम्मान कार्यक्रम

धादिङ २६ श्रावण
नीजि क्षेत्रबाट सञ्चालित धादिङ जिल्लाकै पहिलो विद्यालय सुनगाभा एकेडेमीले एस.इ.इ परीक्षामा उत्र्तीण विद्यार्थीहरुलाई बधाइ तथा सम्मान गरेको छ । बिहिबार विद्यायमा एक कार्यक्रमका बिच शैक्षिक सत्र २०७६, २०७७ र २०७८ मा विद्यालयबाट एस.इ.इ परीक्षा दिई उत्र्तीण भएका विद्यार्थीहरुलाई सम्मान गरिएको हो ।

कक्षा १० का विद्यार्थी विशेष बिडारीको अध्यक्षतामा भएको कार्यक्रममा विद्यालय व्यवस्थापन समिति अध्यक्ष तुलसी प्रसाद अधिकारीको प्रमुख आतिथ्य रहेको थियो भने प्रबन्ध सञ्चालक रामहरि अधिकारीको विशेष आतिथ्य रहेको थियो ।

यस्तै सञ्चालक सदस्य प्रदिप अधिकारी, भिषण श्रेष्ठ, प्रधानाध्यापक वद्रि लम्साल लगायतको आतिथ्य रहेको थियो । कार्यक्रममा विद्यार्थीहरुले मनोरञ्जनात्मक सांस्कृतिक प्रस्तुति समेत देखाएका थिए ।