अवैध रुपमा बालुवा उत्खनन् गरेको एक्साभेटर र चालक नियन्त्रणमा

धादिङ ११ श्रावण
इलाका प्रहरी कार्यालय गजुरीले रातीको समयमा अवैध रुपमा बालुवा उत्खनन गरिरहेको एक्साभेटर शुक्रबार नियन्त्रणमा लिएको छ । गजुरी गाउँ पालिका वडा नं. ६ र ७ मा पर्ने बेल्खु खोला र दरिङ्गाल खोलाबाट एक्साभेटर सहित नुवाकोटका काजि थापालाई नियन्त्रणमा लिएको हो । एक्साभेटरले रातीको समयमा निर्बाध रुपमा बालुवा उत्खनन गरिरहेको सूचनाका आधारमा इलाका प्रहरी कार्यालय गजुरीको टोलीले नियन्त्रणमा लिएको हो । नियन्त्रणमा लिएको एक्साभेटर र काजि थापालाई थप अनुसन्धानका लागि जिल्ला समन्वय समित धादिङमा बुझाईएको जिल्ला प्रहरी कार्यालयका प्रवक्ता रुपक खड्काले जानकारी दिनुभयो ।