कुमारी बैँक धादिङद्धारा दुर्घटनामा परी मृत्यु भएका यम बहादुर मगरका परिवारलाई रु १० लाख हस्तान्तरण

धादिङ ०८ श्रावण
नीर बहादुर तामाङ
कुमारी बैँक लिमिटेड धादिङबेशी शाखले दुर्घटनामा परी मृत्यु भएका यम बहादुर मगरको परिवारलाई मृत्यु दावी भुक्तानी स्वरुप १० लाख हस्तान्तरण गरेको छ । धादिङको नीलकण्ठ नगरपालिका वडा नम्बर १२ निवासी स्वर्गीय मगरका परिवारलाई रु १० लाख हस्तान्तरण गरिएको हो । गत जेठ ३१ गते धादिङबाट काठमाडौँ जादैगर्दा धादिङको धुनीवेशी न.पा वडा नं ९ सुरुङमार्ग स्थित मोटरसाईकल दर्घटनामा परी मगरको मृत्यु भएको थियो । मृतक यम बहादूर मगरको परिवारलाई आइतबार एक कार्यक्रमका बीच बैँकका शाखा प्रबन्धक धन बहादुर श्रेष्ठले मृतककीे श्रीमती कमला मगर र मृतकका दाइ बल बहादुर मगरलाई रु १० लाखको चेक हस्तान्तरण गर्नूभएको हो । परिवार सुरक्षा वचत खातामार्फत गरिएको उतm बीमाले मगरका परिवारलाई राहत मिलेको छ । उतm कार्यक्रममा नेपाल रेडक्रस सोसाईटी धादिङका उपमन्त्री नारायण कुमार श्रेष्ठ, सांकोष माध्यमिक विद्यालयका शिक्षक नविन श्रेष्ठ र बैंकका कर्मचारीहरुको सहभागिता रहेको थियो ।