जिल्ला स्तरीय फुटबल प्रतियोगितामा शङ्खादेवी मा.वि. मझिमटार प्रथम

धादिङ ९ श्रावण
श्रावण ३ गतेदेखि सञ्चालित जिल्ला स्तरीय कुइक्स् कप को उपाधी शङ्खादेवी माध्यमिक विद्यालयले हात पारेको छ । धादिङको गजुरी गाउँपालिका स्थित गलौदीमा भएको जिल्ला स्तरीय अन्तर माध्यमिक विद्यालय फुटबल प्रतियोगिताको फाईनलमा पुगेको शङ्खादेवी माध्यमिक विद्यालय मझिमटारले वागेश्वरी माध्यमिक विद्यालयलाई १ का विरुद्ध २ गोल गर्दै उपाधी हात पारेको हो ।

धादिङ फुटबल संघको आयोजना तथा चौधरी गूपको प्रायोजनमा साउन ४ गतेबाट सुरुभएको फुटबल खेलमा १९ वटा समूहको सहभागिता रहेको थियो । उपाधीसँग शङ्खदेवी माध्यमिक विद्यालय क्षेत्रीय टिममा छनौँट भएको छ । समापन समारोहमा गजुरी गाउँ पालिकाका अध्यक्ष राजेन्द्र विक्रम बस्नेत, वेनिघाट रोराङ गाउँ पालिकाका अध्यक्ष हरि डल्लाकोटी लगायतको विशेष उपस्थिति रहेको थियो ।