बरामद गरिएको २ सय २५ के.जि. गाँजा प्रहरीद्धारा नष्ट

धादिङ ९ श्रावण
धादिङको बेनिघाट रोराङ गाउँ पालिका वडा नं. २ चेपाङमार्गमा यही आषाढ २६ गते बरामद गरेको लागु औषध गाँजा जिल्ला प्रहरी कार्यालय धादिङले बिहिबार नष्ट गरेको छ । सोही ठाउँका ४१ वर्षीय काइला भनिने दिल बहादुर तामाङको साथबाट प्रहरीले २ सय २५ किलो ग्राम गाँजा बरामद गरेको थियो । उक्त बरामद गरिएको लागु औषध गाँजालाई बिहिबार सम्बन्धित कार्यालयका प्रतिनिधि र पत्रकारहरुको रोहबरमा नष्ट गरिएको जिल्ला प्रहरी कार्यालयका प्रवक्ता रुपक खड्काले जानकारी दिनुभयो ।