धादिङको बेनिघाट रोराङ ३ रिचोकटारमा आयोजित रक्तदान कार्यक्रममा ११९ जनाले गरे रक्तदान

धादिङ २९ असार
जनकल्याण बचत तथा ऋण सहकारी संस्था लि को २७ औँ स्थापना दिवसको अवसरमा आयोजित खुल्ला रक्तदान कार्यक्रममा ११९ जनाले रक्तदान गरेका छन् ।

जनकल्याण बचत तथा ऋण सहकारी संस्था बेनिघाट रोराङ ३ रिचोकटार धादिङको आयोजना तथा नेपाल रेडक्रस सोसाईटी रक्त संचार केन्द्र धादिङको प्राविधिक सहयोगमा बुधबार सम्पन्न रक्तदान कार्यक्रममा २८ जना महिला र ९१ पुरुष गरि ११९ जनाले रक्तदान गरेका छन् ।

रक्तदान कार्यक्रममा रिलायवल फुड एण्ड वेभरेज प्रा.लि. काठमाण्डौँ र सिजि फुड्स नेपाल प्रा.लि ललितपुरको सहयोग रहेको नेपाल रेडक्रस सोसाइटी रक्त सेवा केन्द्र धादिङका उपमन्त्री नारायण कुमार श्रेष्ठले बताउनुभयो ।