नीलकण्ठ ९ तिनघरेमा ट्याक्टर अन्यन्त्रित भइ सडकमा पल्टिदा ४ जना घाइते

धादिङ २० असार
धादिङको नीलकण्ठ नगरपालिका वडा नम्बर ९ तिनघरेमा ट्याक्टर दुर्घटना हुँदा ४ जना घाईते भएका छन् ।

आज दिउसो धादिङबेशी बाट सल्यान्टार तर्फ जाँदै गरेको लु ३ त ३८६८ नम्बरको ट्याक्टर आफै अन्यन्त्रित भइ सडकमा पल्टिदा ४ जना घाइते भएको जिल्ला प्रहरी कार्यालय धादिङले जनाएको छ । घाईतेहुनेहरुमा बेनिघाट रोराङ गाउँपालिका १० बस्ने ३० वर्षीय हर्क विक, सोही ठाउँका ३९ वर्षीय शोम बहादुर चेपाङ, चितवन रत्ननगर नगरपालिका १ बस्ने २० वर्षीय सरोज थापा मगर, र शोलुखुम्बु नेचसल्यान २ बस्ने २० वर्षीय आषिस भुजेल रहेका छन् ।

घाईतेभएकाहरु मध्ये हर्क वि।कलाई थप उपचारको लागि काठमाण्डौं रेफर गरिएको र २ जनाको धादिङ अस्पतालमा उपचार भईरहेको प्रहरीले जनाएको छ ।