धादिङको वेनिघाट रोराङ–२, चोतसका काजी चेपाङको घरमा आगलागी

धादिङ १९ आषाढ
धादिङको बेनिघाट रोराङ गाउँपालिका वडा न २ चोतेसस्थित एक घरमा आगलागि भएको छ।

शनिबार साँझ स्थानीय काजि चेपाङको घरमा आगलागी भएको हो । आगलागिबाट चेपाङको घरमा भएका सबै सामान जलेर नष्ट भएको छ । खाना पकाउने क्रममा अकस्मात हावाहुरी चल्दा आगोको झिल्काले आगलागि भएको नेपाल चेपाङ संघका शिक्षा विभाग संयोजक तिलक चेपाङले बताउनु भयो ।

आगलागीबाट घर पूर्ण क्षति भएपछि पीडित चेपाङ आफन्तको घरमा बसेका छन् । चेपाङको आर्थिक अवस्था कमजोर भएको र घरमा भएको अन्नपात, लताकपडा समेत जलेर नष्ट भएकाले सहयोगका लागि अपील समेत गरेको नेपाल चेपाङ संघका शिक्षा विभाग संयोजक तिलक चेपाङले बताउनु भयो ।