विभिन्न मुद्दामा फरार रहेका अभियुक्त पक्राउ

धादिङ ३१ आषाढ
जिल्ला प्रहरी कार्यालय धादिङले जघन्य अपराध र अन्य अपराध गरी लामो समय देखि फरार रहेका अभियुक्तहरुलाई १७ वर्ष पछि पक्राउ गरेको छ । बिबाहमा गएका बेला साविकको आगिन्चोक गा.वि.स.वडा न. ६ धादिङमा गोरखा साविकको कान्द्राङ गा.वि.स वडा नं. १ गोरखका ६४ वर्षीय लिलामान परियारलाई कुटपिट गरी हत्या गरेको अभियोगमा फरार रहेका त्रिपुरासुन्दरी गा.पा.२ बस्ने वर्ष २४ का मदन परियारलाई पक्राउ गरी सार्वजनिक गरेको हो । कर्तव्य ज्यान मुद्दामा वारदात पश्चात फरार रहेका मदन परियारलाई १ि७ वर्ष पछि काठमाडौ महानगरपालिका वडा नं.१७ ढल्कुबाट पक्राउ गरी जिल्ला अदालतमा म्याद अनुमतीका लागी पेश गरिएको ।

यस्तै वेनिघाट रोराङ गाउँ पालिका वडा नं. ५ बाट अन्ठाउन्न हजार बराबरको धनमाल चोरी गर्ने १ जना पक्राउ परेका छन् । स्थानीय दिपेन्द्र सिलवालको पसलबाट नगद, विभिन्न किसिमको रक्सी र रिचार्ज कार्ड चोरी गरी लैजाने ज्वालामुखी गाउँ पालिका वडा नं. १ रातोमाटे बस्ने २० वर्षीय कमल कुमाललाई पक्राउ गरी चोरी मुद्दामा अदालत चलान गरिएको हो ।

यस्तै त्रिपुरा सुन्दरी गाउँ पालिका वडा नं. ४ बस्ने सोही ठाउँकी ११ वर्षीय बालिकालाई जबरजस्ती करणी गरेको अभियोग लागेका प्रकाश तिमल्सिनालाई पक्राउ गरी अदालत चलान गरिएको छ ।