नीलकण्ठ नगरपालिका धादिङको सार्वजनिक सुनुवाई कार्यक्रम सम्पन्न

धादिङ ३१ आषाढ
सम्बृद्ध नीलकण्ठ नगरको आधार, कृषि, पर्यटन, उद्यमशीलता सहितको पूर्वाधार भन्ने मूल नारा बोकेको नीलकण्ठ नगरपालिका धादिङले मङ्गलबार सार्वजनिक सुनुवाई कार्यक्रमको आयोजना गरेको छ । वडा नं. ६ को कार्यालय सुनौलाबजारमा आयोजित सार्वजनिक सुनुवाईमा नगर प्रमुख भिम प्रसाद ढुङ्गाना, उप प्रमुख मनराज भण्डारी, प्रमुख प्रशासकीय अधिकृत तीर्थराज पौडेल, नगरपालिकाभित्रका विभिन्न वडाका वडा अध्यक्षहरु, स्थानीय सेवाग्राहीहरुको उपस्थिति रहेको थियो ।

सार्वजनिक सुनुवाईमा सहभागीहरुले आर्थिक वर्ष २०७६÷०७७ को लागि विनियोजित बजेट, विकास निर्माण, सडक, खानेपानी, स्वास्थ्यका क्षेत्रमा केन्द्रीत रहेर आफ्ना प्रश्नहरु राखेका थिए । सहभागीहरुले राखेका जिज्ञासामा वडा अध्यक्षहरु, प्रमुख कार्यकारी अधिकृत, नगर उप प्रमुख र प्रमुखले जवाफ दिएका थिए ।

आफ्नो धारणा राख्ने क्रममा नगर प्रमुख ढुङ्गानाले तिर्खामुक्त र काठेपोलमुक्त नगर निर्माण सहित नगरपालिका भित्रका प्रत्येक वडाहरुमा बाह्रै महिना चल्ने मोटरबाटो पु¥याउने लक्ष्य नगरपालिकाले राखेकाले सबैलाई सहयोग, सकारात्मक सुझावको अपेक्षा राखेका थिए ।