चेपाङ समुदायकै पहिलो सिभिल इन्जिनियर बने धादिङका मनिष प्रजा

धादिङ ३१ जेष्ठ
धादिङको बेनिघाट रोराङ–३, रिचोकटारका मनिश प्रजा चेपाङ समुदायकै पहिलो सिभिल इन्जिनियर बनेका छन् । एडभान्स इन्जिनियरिङ कलेज कुपन्डोल, ललितपुरबाट प्रजाले सिभिल इन्जिनियर गरेका हुन् ।

२०५५ सालमा जन्मिएका सानैदेखि पढाइमा अब्बल प्रजाले प्रवेशिका परीक्षामा ८७ प्रतिशत अंक ल्याएका थिए भने विज्ञान विषय लिइ अध्ययन गरेका प्रजाले कक्षा १२ को परीक्षामा ८४ प्रतिशत अंक प्राप्त गरेका थिए ।

नेपाल चेपाङ संघ शिक्षा विभागको संयोजनमा चेपाङ समुदायका ५० बालबालिकालाई संस्थागत विद्यालयहरुको संगठन प्याब्सन एनप्याब्सनमार्फत सञ्चालित विद्यालयहरुमा निःशुल्क अध्ययन गर्ने व्यवस्था मिलाइएको संयोजक तिलक चेपाङले बताउनु भयो ।