ट्रेड युनियन महासंघ थाक्रे धादिङको इकाई अध्यक्षमा भरत थापा

धादिङ २८ जेष्ठ
अखिल नेपाल ट्रेड युनियन महासंघ थाक्रे धादिङको इकाइ भेला कार्यक्रम सम्पन्न भएको छ ।

भरत थापाको अध्यक्षतामा भएको भेलामा नेकपा(माओवादी केन्द्र) थाक्रे गाउँपालिका सचिव असोक अधिकारीको प्रमुख आतिथ्य, थाक्रे गाउँपालिका वडा नं. ६ का निर्वाचित वडा अध्यक्ष हिरा बहादुर थापाको विशेष आतिथ्य, ट्रेड युनियन महासंघ धादिङका अध्यक्ष शंकर तामाङ, उपाध्यक्ष प्रदिप भट्ट लगायतको आतिथ्य रहेको थियो ।

भेलाले भरत थापाको अध्यक्षतामा १३ सदस्यीय इकाई कमिटी चयन गरेको छ । जसको उपाध्यक्षमा प्रेम बहादुर मगर, सचिवमा नवराज सेन्चुरी, कोषाध्यक्षमा टिका श्रेष्ठ रहनुभएको छ ।