जिल्ला स्तरीय वक्तृत्वकला प्रतियोगितामा धादिङ बोर्डिङका शुभरत्न प्रथम र सुदीक्षा द्धितीय

धादिङ २८ जेष्ठ
जिल्ला स्तरीय वक्तृत्वकला प्रतियोगितामा धादिङ बोर्डिङ प्रथम र द्धितीय भएको छ । शुक्रबार धादिङबेसीमा आयोजना भएको जिल्ला स्तरीय वक्तृत्वकला प्रतियोगितामा धादिङ बोर्डिङ स्कूलका कक्षा १० मा अध्ययनरत शुभरत्न तामाङ प्रथम र कक्षा ९ मा अध्ययनरत सुदीक्षा लम्साल द्धितीय भएका हुन् ।

एन प्याब्सन धादिङले आयोजना गरेको प्रतियोगितामा जिल्लाभित्रका १० वटा संस्थागत विद्यालयहरुको सहभागिता रहेको थियो । एन प्याब्सन धादिङका अध्यक्ष ईश्वरी प्रसाद पाण्डेको अध्यक्षता रहेको कार्यक्रमा प्राध्यापकहरु मुरारी अधिकारी र लोकनाथ रिजाल निर्णायकको भूमिकामा रहनुभएको थियो ।