धादिङको धुनिबेशीमा ट्रकको ठक्करबाट पैदलयात्रीको मृत्यु

धादिङ

धादिङमा ट्रकको ठक्करबाट एकजना पैदलयात्री महिलाको मृत्यु भएको छ । धुनिवेशी नगरपालिका ६ चालिसेमा गएराति ट्रकको ठक्करबाट पैदलयात्री महिलाको मृत्यु भएको हो ।

गोर्खाको गण्डकी गाँउपालिका ५ दरबुङ घर भएकी अन्दाजी ४४ वर्षीया राममाया विकको मृत्यु भएको प्रहरीले जनाएको छ । काठमाडौंबाट नारायणगढतर्फ जाँदै गरेको ना८ख ५१ ७३ नम्बरको ट्रकको ठक्करबाट गएराति साढे ९ बजे गम्भीर घाइते भएकी विकको उपचारको क्रममा काठमान्डौ ट्रमा सेन्टरमा राति साढे १० बजे मृत्यु भएको इलाका प्रहरी कार्यालय खानिखोलाले जनाएको छ ।

अनलाईन खबर