धादिङमा भोलि (शनिबार) विद्युत सेवा अवरुद्ध हुने

धादिङ २० जेष्ठ
धादिङमा भोलि शनिबार विद्युत सेवा अवरुद्ध हुने नेपाल विद्युत प्राधिकरण धादिङ वितरण केन्द्रले जनाएको छ ।

शुक्रबार प्राधिकरणको धादिङ शाखाले एक सूचना जारी गर्दै रसुवा नुवाकोट वितरण प्रणाली पुननिर्माण तथा सुधार आयोजना मार्फत देविघाट धादिङ ३३ केभी लाइनको बेलकोटगढी नगरपालिका वडा नं ७ रातमाटेमा मर्मत सम्भार गर्नुपर्ने भएकाले भोलि विद्युत सेवा अवरुद्ध हुने जनाएको छ ।

शनिबार मध्यान्न १२ बजेदेखि अपरान्ह ४ बजेसम्म धादिङबेशी, सल्यानटार र जरे सबस्टेसनबाट बिद्युत सप्लाई भएका क्षेतहरुमा विद्युत सेवा अवरुद्ध हुने सूचनामा भनिएको छ ।