धादिङका जेठो पालिका प्रमुख थाक्रेका रामकुमार आचार्य

धादिङ ०९ जेष्ठ
यही वैशाख ३० गते सम्पन्न स्थानीय तह निर्वाचन २०७९ बाट धादिङमा सबैभन्दा बढी उमेरका पालिका प्रमुखको रुपमा थाक्रे गाउँपालिका अध्यक्ष राम कुमार आचार्य विजयी हुनुभएको छ ।

निर्वाचन आयोगको तथ्यांक अनुसार ५८ वर्षीय आचार्य नेकपा एमालेबाट दोस्रो कार्यकालका लागि विजयी हुनुभएको हो ।

सत्ता गठबन्धनबाट साझा उम्मेद्वार बनेका नेपाली कांग्रेसका राम प्रसाद विडारीलाई २२३९ मत अन्तरले पराजित गर्दै आचार्य १०३५५ मतका साथ विजयी हुनुभएको थियो ।