धादिङको कान्छो पालिका प्रमुख र उप–प्रमुख माओवादी केन्द्रबाट विजयी

धादिङ ०९ जेष्ठ
यही वैशाख ३० गते सम्पन्न स्थानीय तह निर्वाचन २०७९ बाट धादिङमा सबैभन्दा कम उमेरका पालिका प्रमुख बेनिघाट रोराङ गाउँपालिका अध्यक्ष कृष्ण बहादुर थपलिया(विवेक) हुनुभएको छ । ३७ वर्षीय थपलियाले सत्ता गठबन्धन दल नेकपा(माओवादी केन्द्र)बाट उम्मेद्वारी दिनुभएको थियो । उहाँले ७ हजार ६ सय ८० मत प्राप्त गरी विजयी हुनुभएको थियो ।

जनयुकालीन नेता तथा सहिद परिवार सदस्य थपलियाले निकटतम प्रतिद्धन्द्धी नेकपा एमालेका देव प्रसाद त्रिपाठीलाई २६०८ मतान्तरले पराजित गराउनुभएको थियो ।

यस्तै जिल्लामा सबैभन्दा कम उमेरको पालिका उप–प्रमुको रुपमा खनियाबास गाउँपालिका उपाध्यक्ष सेक्केमान तामाङ रहनुभएको छ ।

३५ वर्षीय तामाङले सत्ता गठबन्धन दल नेकपा(माओवादी केन्द्र)बाटै पालिका उप–प्रमुखमा उम्मेद्वारी दिनुभएको थियो ।

तामाङ निकटतम प्रतिद्धन्द्धी राप्रपाका मरियम तामाङलाई ६०० मत अन्तरले पराजित गर्दै १८३७ मतका साथ विजयी हुनुभएको थियो ।